ԱՄՆ-ն հաստատում է` Քելլոգը մեկնել է Լոնդոն՝ Ուկրաինայի հարցով բանակցություններին մասնակցելու

ԱՄՆ-ի Պետդեպարտամենտի խոսնակ Թեմմի Բրյուսը հաստատել է, որ ԱՄՆ-ի նախագահի բանագնաց Քիթ Քելլոգը գտնվում է Լոնդոնում, որպեսզի մասնակցի Ուկրաինայի հարցի կարգավորման շուրջ բանակցություններին։

Նրա խոսքով՝ Քելլոգն արդեն Լոնդոնում է և մտադիր է քննարկումներ անցկացնել։

«Մենք հուսով ենք նրանից որոշակի տեղեկատվություն ստանալ այն մասին, թե արդյոք Լոնդոնում որոշակի առաջընթաց կլինի»,- ասել է Բրյուսը։

Ավելի վաղ Washington Post-ը հայտնել էր, որ չորեքշաբթի օրը Լոնդոնում ԱՄՆ-ն ուկրաինացի և եվրոպացի պաշտոնյաներին կառաջարկի Ղրիմը ճանաչել՝ որպես ռուսական, և սառեցնել ճակատային գիծը։