«Հայաստանը քաղաքական «Բաբելոն» է, 100-ից ավելի կուսակցություն կա»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը. «Հայաստանը քաղաքական «Բաբելոն» է, հարյուրից ավելի կուսակցություն է գրանցված: Իշխանությունը պարտավոր է օրենսդրական կարգավորումներով շտկել վիճակը: Կարելի է սահմանել ոչ միայն քաղաքացիության և մշտական բնակության, այլև, եթե կարելի է այսպես ձեւակերպել՝ «հանրային վստահության ցենզ». կուսակցությունը թող ընտրողների ընդհանուր թվի գոնե մեկ, դաշինքը՝ երկու տոկոսի ստորագրություն ներկայացնի ԿԸՀ և ընտրապայքարին մասնակցելու իրավունք ստանա միայն այդ ցուցակների վավերականությունը հաստատելուց հետո: Թե չէ մի քանի կուսակցություն «խցկվում է», յուրաքանչյուրը կես կամ մեկ տոկոս քվե է խլում, արդյունքում մոտ հարյուր հազար քաղաքացու ընտրություն լղոզվում է»: