«Ընդդիմադիր լուրջ բևեռի անհրաժեշտությունը թելադրում է ՀԱԿ-ՀՀԿ դաշինքի ձևավորում»․ Հարութ Ուլոյան

Հրապարակախոս Հարութ Ուլոյանի ֆեյսբուքյան գրառումը․ «Վերջին ամիսներին ներքաղաքական անցուդարձին հետևելով եկել եմ այն եզրակացության, որ անկախ նախկինում եղած քաղաքական թշնամանքի ու վերաբերմունքի, անկախ ներկայումս որոշ առանցքային հարցերում գոյություն ունեցող տարաձայնությունների, ստեղծված արտաքին մարտահրավերների ու ներքին անհուսալի հեռանկարի պայմաններում ընդդիմադիր լուրջ բևեռի անհրաժեշտությունը թելադրում է Հայ ազգային կոնգրեսի և Հայաստանի հանրապետական կուսակցության համագործակցության, եթե կուզեք՝ դաշինքի ձևավորում: Կորիզը պետք է ձևավորվի այս ուժերի շուրջ: Նրանց կարելի է ավելացնել նաև Բարգավաճ Հայաստան կուսակցությունը:
Ստեղծված իրավիճակում քիչ թե շատ դրական տեղաշարժ ապահովող այլ հեռանկար ես չեմ տեսնում»։