Շաբաթ, 31 հոկտեմբերի, 2026 թ.
|
Ստեփանակերտում`   +8 °C

«Ո՛չ Թուրքիային, ո՛չ Ադրբեջանին, ո՛չ Փաշինյանին չի հաջողվի ստիպել մեզ չզբաղվել Ցեղասպանության հարցով»․ Արա Աբրահամյան

«Ո՛չ Թուրքիային, ո՛չ Ադրբեջանին, ո՛չ Փաշինյանին չի հաջողվի ստիպել մեզ չզբաղվել Ցեղասպանության հարցով»․ Արա Աբրահամյան
704
Երկուշաբթի, 28 ապրիլի, 2025 թ., 11:26

Այսօր ՀՀ իշխանությունները, ցավոք, հարցականի տակ են դնում Հայոց ցեղասպանության իրողությունը, և դա սարսափելի է։ Այս մասին հայտնել է Ռուսաստանի հայերի միության նախագահ Արա Աբրահամյանը։

«Այս իշխանությունները վերջին 6-7 տարիների ընթացքում ամեն ինչ անում են, որ մենք այդ հարցին նայենք որպես սոսկ պատմական իրադարձություն, բայց դա այդպես չէ։ Եթե ՀՀ ԱԳ նախարարը հայտարարում է, որ Հայոց ցեղասպանության հարցն այսօր առաջնահերթ չէ ՀՀ քաղաքականության համար, սա արդեն Թուրքիայի և Ադրբեջանի այսօրվա քաղաքականությունն է»,- նշել է Աբրահամյանը։

Նրա խոսքով՝ իշխանությունները փորձում են փոխել Ցեղասպանության վերաբերյալ բոլոր փաստաթղթերը։

Սակայն «ո՛չ Թուրքիային, ո՛չ Ադրբեջանին, ո՛չ Փաշինյանին չի հաջողվի ստիպել մեզ, որ չզբաղվենք բոլորիս միավորող Հայոց ցեղասպանության հարցով։ Մենք հիշում ենք և չենք լսելու պատահաբար իշխանության եկած մարդուն, ով նման բաներ է անում, իշխանություն, որ ամեն ինչ արեց, որ բոլորս ատենք իրար»,- հավելել է Աբրահամյանը։