«Ո՞վ սրա տեղը լինի` չի գժվի»․ Իշխան Սաղաթելյան

ԱԺ «Հայաստան» խմբակցության պատգամավոր Իշխան Սաղաթելյանի ֆեյսբուքյան գրառումը․ «Փորձեմ առանց էմոցիայի։
Հերթական անգամ «Հայաստան» խմբակցության պատգամավորները տվյալ դեպքում Քրիստինե Վարդանյանը և Աննա Գրիգորյանը փաստերով և քաղաքական գնահատականներով ԱԺ-ում խոսեցին իշխանության կողմից համակարգված կոռուպցիայի և բռնությունների մասին։ Նիկոլը հարցերին պատասխանելու փոխարեն կրկին ընկավ (վերջին շրջանում ավելի հաճախ է դա տեղի ունենում) հիստերիայի մեջ։
Ինչո՞ւ։
Պարզ պատճառով, դավաճանը, ով թշնամուն հանձնեց Արցախը, Հայաստանի ինքնիշխան տարածքից հատվածներ, մի քանի հազար հայի գլուխ կերավ, փորձում է իշխանությունը պահել ժողովրդին խաբելով՝ խաղաղություն, ժողովրդավարություն, արդարություն, դեպի Եվրոպա խոստումով։
Ընդդիմադիր պատգամավորները ամեն անգամ իրենց համառ, համարձակ, փաստարկված ելույթներով դեմ առ դեմ բացահայտում են նրա բոլոր ստերը, և զրոյացնում նրա իշխանության մնալու հիմքերը։
Ասում էին խաղաղություն, թշնամին ամեն օր կրակում է, ասում էին ոչ թալանին, պարզվում է համակարգված թալանում են, ասում էին ժողովրդավարության բաստիոն, պարզվեց լիգիտիմացնում են բռնությունները, որը այլևս իրենց իշխանության անբաժան ուղեկիցն է, ասում էին դեպի Եվրամիություն, վաղը գնում է Մոսկվա, լավ իմանալով, որ դա էլ իրեն չի փրկի։
Հիմա ո՞վ սրա տեղը լինի՝ չի գժվի։
Բայց դա քեզ չի փրկելու ,պատասխան ես տալու ամեն բառիդ, ամեն քայլիդ համար, նախօրոք ասեմ անմեղսունակ լինելու որևէ տեղեկանք չի անցնելու:
Իսկ ոմանց հրճվանքը, դա առանձին թեմա է և ուշադրության արժանի, որը անպատասխան չի մնա: