«Բոլորը հպարտ դիմավորեցին իրենց զինվորականներին, բացի մեկից»․ Վահե Սարգսյան

Պատմաբան, խմբագիր Վահե Սարգսյանի ֆեյսբուքյան գրառումը. «Բոլորը հպարտ ու հոտնկայս դիմավորեցին Հաղթանակի երթին մասնակցող իրենց զինվորականներին, պետական դրոշին, բացի մեկից, հայոց հաղթանակների դեմ պայքարող, հաղթանակած հայ ժողովրդին թուրքական ստրկության տանող Նիկոլ Փաշինյանից:
Հայրենական Մեծ պատերազմն «իրենով արեց» կովկասյան թաթարների սերունդը՝ հպարտ քայլելով Կարմիր հրապարակում՝ էն դեպքում, երբ անգամ Ալիևը լայաղ չէր արել մասնակցելու:
Սա ամենևին պատահական չէ, ոչ էլ կապ ունի Նիկոլ Փաշինյանի՝ իբր հակառուսականության կամ պրոարևմտյան լինելու հետ: Բնա՛վ:
Սա արևմտաթուրքական ծրագիր է՝ վերաշարադրել հայ ժողովրդի պատմությունը, տրանսֆորմացնել, խեղել հիշողությունը, ջնջել ազգային հպարտությունն ու վերածել ստրկացող մասսայի. հայը չպիտի հպարտանա իր պապերի հերոսական պատմությամբ, ազգային բանակով, հաղթանակներով...
Հիշե՛ք սրա իշխանության տարիները և կհաստատեք ասածս»: