«Հնարավոր է՝ հիանալի օր լինի Ռուսաստանի և Ուկրաինայի համար»․ Թրամփ

ԱՄՆ նախագահ Դոնալդ Թրամփը, իր Truth Social սոցիալական ցանցում, մեկնաբանելով Ռուսաստանի և Ուկրաինայի միջև հակամարտության ընթացքը, հայտարարել է «մեծ շաբաթվա» մեկնարկի մասին։

«Հնարավոր է՝ հիանալի օր լինի Ռուսաստանի և Ուկրաինայի համար»,- գրել է նա՝ հույս հայտնելով, որ մարտերը կավարտվեն՝ փրկելով «հարյուր հազարավոր կյանքեր»։

«Սա կլինի բոլորովին նոր աշխարհ, շատ ավելի լավ, քան նախորդը։ Ես կշարունակեմ աշխատել երկու կողմերի հետ՝ սա իրականացնելու համար։ Դրա փոխարեն ԱՄՆ-ն ցանկանում է կենտրոնանալ վերականգնման և առևտրի վրա։ Սա մեծ շաբաթ է», -գրել է Թրամփը։
ԱՄՆ նախագահի գրառումը կատարվել է մի քանի ժամ անց այն բանից հետո, երբ Ուկրաինան և նրա եվրոպացի դաշնակիցները կոչ արեցին մայիսի 12-ից սկսած «լիակատար և անվերապահ» ​​30-օրյա հրադադարի, իսկ Ռուսաստանի նախագահ Վլադիմիր Պուտինը առաջարկեց մայիսի 15-ին Ստամբուլում վերսկսել Կիևի հետ ուղիղ բանակցությունները: