«Սա կոչվում է արդարադատություն՝ նիկոլյան ձևով․ հա՛մ գայլերն են կուշտ, հա՛մ ոչխարները՝ ողջ». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Ո՞ւր է այստեղ արդարադատությունը
Եթե բանկ թալանեմ, ու գողացածը կամ դրա մի մասը կամավոր վերադարձնեմ, հետո ինձ չեն դատելո՞ւ։ Բանկն էլ մասնավոր հիմնարկ է, ոչ պետական։ Երբ պետությունից են թալանել, դատավարության ընթացքում համաձայնության են գալիս, թալանածի մի մասը վերադարձնում են պետությանը, ազատվում պատասխանատվությունից։ Սա կոչվում է արդարադատություն՝ նիկոլյան ձևով․ հա՛մ գայլերն են կուշտ լինում, համ ոչխարները՝ ողջ, որոշ ոչխարներ էլ կողքից ծափ են տալիս։ Մաքսայինի նախկին պետ Արմեն Ավետիսյանի ականջը կանչի, իր հսկայական ունեցվածքից Ծաղկաձորում գտնվող հյուրանոցը հանձնեց պետությանը, ավելի ճիշտ՝ Նիկոլ Փաշինյանի մտերիմ, նորահայտ մեծահարուստ Նարեկ Նալբանդյանին և ազատվեց պատասխանատվությունից։ Ո՞ւր է այստեղ արդարադատությունը։ Ինչպես հայտնի ֆիլմում Վիսոցկին էր ասում ՝ գողը պետք է բանտում նստի»: