Շաբաթ, 15 օգոստոսի, 2026 թ.
|
Ստեփանակերտում`   +18 °C

«Թռնեք օդ, իջնեք ներքև, սա ՀԷՑ-ը խլելու մասին նախագիծ է». Աննա Գրիգորյան

«Թռնեք օդ, իջնեք ներքև, սա ՀԷՑ-ը խլելու մասին նախագիծ է». Աննա Գրիգորյան
495
Երեքշաբթի, 01 հուլիսի, 2025 թ., 11:36

«Ռազմավարական նշանակության հարց է բերվել օրակարգ ու առաջարկում եք 24-ժամյա ռեժիմում քննարկել. ՀԷՑ-ի խլման գործընթացը բացասական առումով մեծ ազդեցություն է ունենալու ներդրումային մթնոլորտի վրա: Ո՞րն է նախագիծը հրատապ քննարկելու պատճառը»,- ԱԺ-ում հայտարարեց ընդդիմադիր պատգամավոր Աննա Գրիգորյանը՝ դիմելով ՏԿԵ փոխնախարար Արմեն Սիմոնյանին, ով ասել էր, որ «Հանրային ծառայությունները կարգավորող մարմնի մասին օրենքի նախագծի հրատապ ընդունումը պայմանավորված է էներգետիկ ենթակառուցվածքների ոլորտի իրավական կարգավորման բացերը կարգավորելու անհրաժեշտությամբ»:

«Էն արտահայտությունը, որը դուք թույլ տվեցիք՝ «ՀԷՑ» և «խլել», երկու բառն էլ նախագծի մեջ առկա չեն: Դա վերաբերում է էներգետիկ ոլորտի բարեփոխումների շարունակականությանը: Այս ոլորտում ունենք բազմաթիվ խնդիրներ»,- նշեց Սիմոնյանը: Գրիգորյանի արձագանքը չուշացավ. «Թռնեք օդ, իջնեք ներքև, սա ՀԷՑ-ը խլելու նախագիծ է: Ձեզնից պահանջվում էր ասել՝ ո՞րն է հրատապությունը: Հենց էսօր տեսա՞ք ՀԷՑ-ում խնդիրները»:

Աննա Գրիգորյանի հարցը՝ Արմեն Սիմոնյանին

Կարդացե՛ք նաև