«Իրավապահները պարտավոր են զբաղվել քաղաքական աղբամանում գտնվող գործիչներով»․ Ռուստամ Բաքոյան

«Որևէ հարձակում որևէ տեղի վրա չկա։ Կա հարց՝ պայմանավորված մի շարք հոգևորականներով, ովքեր հեղաշրջման կոչեր են արել, պլանավորել են երկրում ահաբեկչական ակտ իրականացնել։ Կան գործիչներ, որոնց աշխատանքը գնահատվում է ոչ պատշաճ»,- ճեպազրույցի ժամանակ ասաց ՔՊ-ական պատգամավոր Ռուստամ Բաքոյանը՝ անդրադառնալով այն մտքին, ըստ որի՝ «իշխանությունը Եկեղեցու դեմ հարձակում է իրականացնում»։

«Ես կուզեի անդրադառնալ իրավապահների աշխատանքներին։ Իրավապահ մարմինները պարտավոր են զբաղվել նաև այն քաղաքական գործիչներով, որոնք իրենց սպառել են և քաղաքական աղբամանում են վաղուց գտնվում, իրենց նախարար եղած ժամանակ զբաղվել են կոռուպցիայով, ձեռք են բերել այնպիսի բնակարաններ, որոնց արժեքը միլիոնավոր դոլարների է հասնում և ցոփ ու շվայտ կյանք են վարում»,- ընդգծեց ՔՊ-ական պատգամավորը։