Արագածոտնում ավտովթարի հետևանքով հիվանդանոց տեղափոխված 3 վիրավորներից մեկը մահացել է

479

Կիրակի, 08 հունիսի, 2025 թ., 22:53

ՀՀ քննչական կոմիտեի Արագածոտնի մարզային քննչական վարչությունում նախաձեռնվել է քրեական վարույթ՝ հունիսի 6-ին Երևան-Գյումրի ավտոճանապարհի 28 կմ հատվածում տեղի ունեցած ավտովթարի փաստով, որի հետևանքով հիվանդանոց տեղափոխված վիրավորներից մեկը մահացել է։
Ինչպես հայտնում է ֆոտոլրագրող Գագիկ Շամշյանը, քրեական վարույթի շրջանակներում պարզվել է, որ «Mercedes»-ը վարել է Արագածոտնի մարզի բնակիչ 44-ամյա Ռուդիկ Բ-ն, ով բախվել էր երկաթե արգելապատնեշներին, ինչի հետևանքով էլ Ռուդիկ Բ-ն, նրա ուղևոր՝ Արագածոտնի մարզի բնակիչ 39-ամյա Սիրանուշ Բ-ն տեղափոխվել էին «Արմենիա» բժշկական կենտրոն, իսկ մյուս ուղևոր՝ Արագածոտնի մարզի բնակիչ 12-ամյա Նատալի Բ-ն՝ «Աշտարակ» բժշկական կենտրոն։

Նույն օրը՝ ժամը 23:10-ին, «Արմենիա» բժշկական կենտրոնից ոստիկանության Աշտարակի բաժին հայտնել են, որ վիրավորներից Սիրանուշ Բ-ն մահացել է։
Վարորդը, մահացածն ու մյուս վիրավորը ազգականներ են։
Առավել մանրամասն՝ սկզբնաղբյուրում: