«Մեզ հերիք չէ անուղեղ սարքեցին, մի բան էլ քեֆչի Հասան ու անբան Հուռի դարձրեցին»․ Նարինե Կիրակոսյան

Լրագրող Նարինե Կիրակոսյանի ֆեյսբուքյան գրառումը․ «Օթերևութաբանները զգուշացրել էին սաստիկ եղանակային պայմանների, այդ թվում ուժեղ քամու և կարկուտի մասին, իսկ Գյումրիում մեկ է գարեջրի փառատոն էին անում։
Մեզ հերիք չէ անուղեղ սարքեցին, մի բան էլ քեֆչի Հասան ու անբան Հուռի դարձրեցին։ Կարծես դարդ ու ցավ չունենք, կարծես Հայաստանը ոչ թե մեր զարգանալու երկիրն է, այլ այլոց ոտի տակի միջանցք։
Էսքան տարածքների ու հազարավոր մարդկանց կորուստ, հետն էլ եղանակի տեսությանն էլ չեն հետևում, փառատոնններ է որ կազմակերպում են։
Փառատոնների իմաստը տվյալ երկրի, մասնավորապես գյուղատնտեսության ոլորտի և գյուղատնտեսական արտադրության արդյունքների ցուցադրումն է։ Իսկ ի՞նչ եք տոնում։ Մաքսիմում փոքր ծավալների, եսիմ ում գառաժում լցվող գարեջրի՞։
Կամ Երևանում գինու փառատոնը։
Արենիում նման միջոցառումը կազմակերպելը տրամաբանական է, որովհետև տեղացու քրտինքի արդյունքն է ցուցադրվում, նոր գնորդներ, գործընկերներ են գտնվում։ Իսկ Երևանում, կամ Գյումրիում քաղաքային տրանսպորտը զարգացրեք, կրթօջախները գրավիչ ու մրցունակ դարձրեք, թատրոնների, կրկեսի, կինոյի, պարի, հայկական մշակույթի օրեր նախատեսեք ․․․
Երկիրը պռախադնո մի սարքեք»։