Սաուդյան Արաբիան հայտնել է, որ կաջակցի Քաթարին՝ Իրանի դեմ պատասխան գործողություններում

Սաուդյան Արաբիան պատրաստ է ամեն կերպ աջակցել Քաթարին՝ Իրանի հարվածներին արձագանքելու հարցում: Այս մասին նշվում է Թագավորության արտաքին գործերի նախարարության սոցիալական ցանցում տարածված հայտարարության մեջ։

«Սաուդյան Արաբիայի Թագավորությունը ամենախիստ ձևով դատապարտում է Իրանի կողմից Քաթարի եղբայրական պետության դեմ սանձազերծված ագրեսիան, որը միջազգային իրավունքի և բարիդրացիական հարաբերությունների սկզբունքների կոպիտ խախտում է։ Սա անընդունելի է և չի կարող արդարացվել որևէ պարագայում», - նշվում է հայտարարության մեջ։