«ՀՀ-ի համար կարևոր է մաքսային ոլորտում թվայնացումը». Նիկոլ Փաշինյան

ԵԱՏՄ այլ երկրների հետ ընդհանուր սահմաններ չունեցող Հայաստանի համար հատկապես կարևոր են մաքսային ոլորտում թվայնացումը, լոգիստիկ և սահմանամերձ ենթակառուցվածքների արդիականացումը: Այս մասին հայտնել է ՀՀ վարչապետ Նիկոլ Փաշինյանը՝ ԵԱՏՄ բարձրագույն խորհրդի նիստին իր ելույթի ժամանակ, որին նա մասնացել էր տեսակապով:

«Հայաստանի Հանրապետությունը թվային ոլորտի զարգացումը դիտարկում է որպես կայուն զարգացման առանցքային ուղղություններից մեկը: Համոզված ենք, որ հենց թվայնացումն է նոր հնարավորություններ բացում տնտեսության, պետական կառավարման համակարգի և սոցիալական ոլորտի համար,- նշել է Փաշինյանը՝ ընդգծելով հատկապես մաքսային ոլորտում թվայնացման կարևոր նշանակությունը: