Խուզարկում են Շիրակի թեմի առաջնորդարանը․ ՈՒՂԻՂ ՄԻԱՑՈՒՄ

ՀԱԵ Շիրակի թեմի առաջնորդարանում այս պահին քննչական գործողություններ են իրականացվում Միքայել արքեպիսկոպոս Աջապահյանի վերաբերյալ հարուցված քրեական վարույթի շրջանակներում:

Առավոտյան փաստաբան Միհրան Պողոսյանը ահազանգել էր, որ 30 դիմակավորված անձինք ներխուժել են Շիրակի թեմի առաջնորդարան: Այս պահին ոչ ոքի ներս չեն թողնում, այնտեղ է նաև ԱԺ ընդդիմադիր պատգամավոր Մհեր Մելքոնյանը, ում ևս թույլ չտվեցին ներս մտնել։
Միքայել սրբազանը արձակուրդում է, Հայաստանից բացակայում է, այս մասին հայտնում է «Ազատություն» ռադիոկայանը։

Հիշեցնենք՝ նախաձեռնվել է քրեական վարույթ՝ քրեական օրենսգրքի 422-րդ հոդվածի 2-րդ մասով, ըստ որի Միքայել արքեպիսկոպոս Աջապահյանը իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր է հնչեցրել։