ԱՄՆ-ն դադարեցրել է Ուկրաինային որոշ զինատեսակների մատակարարումը

ԱՄՆ պաշտպանության նախարար Փիթ Հեգսեթը հանձնարարել է դադարեցնել զենքի որոշ տեսակների մատակարարումը Ուկրաինա, հաղորդում է NBC News-ը՝ հղում կատարելով Փենտագոնի, Քոնգրեսի ներկայացուցիչներին:

Խոսքը մի քանի տասնյակ Patriot հակաօդային պաշտպանության համակարգի հրթիռների, ավելի քան 100 Hellfire հրթիռների, GMLRS համազարկային կրակի ռեակտիվ համակարգի շուրջ 250 արկերի, տասնյակ Stinger հրթիռների մասին է: