«Նախկին դատախազն ասաց` իրենց համար հիմքն էական չէ, եթե կա ցուցում». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «2023-ի աշնանը ինձ մոտեցավ Սուրեն կամ Սամվել (անունը չեմ մտաբերում) մի մարդ, ներկայացավ որպես նախկին դատախազ, ով զբաղվել է Գորիսի համայնքապետ Առուշ Առուշանյանի դեմ հարուցված քրեական գործով։ Ասաց, որ սրբորեն կատարել է այն ժամանակվա վերադաս դատախազ Արթուր Դավթյանի բոլոր ցուցումները, ինչ պետք է, արել է Առուշին կալանավորելու համար։
Հարցրի՝ հիմք կա՞ր։ Ասաց, իրենց համար հիմքը էական չէ, եթե կա ցուցում։ Հրահանգ եղել է Առուշին հետապնդելու, իրենք անհրաժեշտ հիմքեր ստեղծել են։ Քննչական կոմիտեի, ոստիկանության ու դատախազության համար ի՞նչ խնդիր է գոյություն չունեցող ապացույց հորինել, թղթի վրա ինչ-որ հանցավոր գործարք գրել ու ցույց տալ իբր «բացահայտված կոռուպցիոն գործարք», կամ 2 հատ նռնակ, 3 հատ ավտոմատ իրար կողքի դնել, նկարել ու ներկայացնել, թե իբր գտել են կոնկրետ մեկի տնից։ Ում վրա որ պետք է, գործ կսարքեն։
Դրանից հետո նախկին դատախազ ներկայացողը նեղսրտեց, բողոքեց, թե իր այդքան հավատարիմ ծառայություններից հետո իշխանությունը չի գնահատել ու նոր գլխավոր դատախազ Աննա Վարդապետյանը իրեն հեռացրել է համակարգից, և ինքը հիմա ուզում է օգնել ընդդիմությանը։
Հազիվ զսպելով զայրույթս՝ հարցրի՝ բա ո՞նց ես կարողացել այդպիսի ապօրինի բաներ անել, եթե գիտեիր, որ ընդամենը քաղաքական հետապնդում է, որ ուրիշ մարդկանց ճակատագրերի հետ ես խաղում։
Ասաց բառացիորեն հետևյալը․ «ցավդ տանեմ, նատաշկա միանգամից չեն լինում, աստիճանաբար դառնում են։ Սկզբում դժվար է, հետո դառնում է սովորական, իսկ ավելի ուշ սկսում ես հաճույք ստանալ։ Եթե ցուցում կա մարդկանց գլխին սարքելու, բարոյականությունն ու արժեքները դառնում են անկարևոր։ Ընտանիքի ապրուստ ենք վաստակում․․․»։
Վերջին արձագանքս էր՝ Բնականաբար, նատաշկաներին վերջում դեն են շպրտում, իսկ Առուշն ու մյուս բոլոր այն հայ նվիրյալ մարդիկ, ում վրա դու ցուցումով գործ ես հարուցել, թող քո այդ «վաստակած ապրուստի մեջ» ․․․ (շարունակությունը՝ ըստ նախասիրության)։
Նույնը վերաբերում է Հայ Առաքելական Սուրբ Եկեղեցու, Բագրատ Սրբազանի, Միքայել Սրբազանի, Սամվել Կարապետյանի, Դաշնակցության և մյուս ազգային ուժերի դեմ ցուցումով գործ սարքող բոլոր մյուս քննիչներին ու դատախազներին»։