«ՀՀ-ում փաստացի քրեականացվել է հակաիշխանական խոսքը»․ Քրիստինե Վարդանյան

ԱԺ «Հայաստան» խմբակցության պատգամավոր Քրիստինե Վարդանյանի ֆեյսբուքյան գրառումը․ «Հայաստանում փաստացի քրեականացվել է հակաիշխանական խոսքը։
Բոլորին՝ ում շատ նուրբ հոգին վիրավորվել է Ռուբեն Հակոբյանի, այլ ընդդիմադիրների արտահայտություններից ու այդ պատճառաբանությամբ նրանք արդարացնում են Փաշինյանի բռնապետական վարքագիծը, առաջարկում եմ հետևել Ալեքսանդր Սիրունյանի, Ռոման Բաղդասարյանի, իշխանական մյուս քարոզիչների էջերին ու հրապարակային խոսքին։
Ու քանի դուք չեք դատապարտում ընդդիմադիրներին վառելու, ընդդիմադիր կուսակցությունը փակելու, Վեհափառին հանել-շպրտելու կոչերը, խնդրում եմ, զերծ մնացեք գոնե ձեր երկերսանիության ակնառու ցուցադրություններից»: