«Նիկոլ Փաշինյան-Գարեգին Բ դիմակայության մի վտանգավոր ասպեկտ». Թաթուլ Հակոբյան

Լրագրող Թաթուլ Հակոբյանը ֆեյսբուքյան իր էջում գրում է․ «Նիկոլ Փաշինյան-Գարեգին Բ դիմակայության մի վտանգավոր ասպեկտ
Վարչապետ Նիկոլ Փաշինյանի իշխանությունը տարածվում է 29,8 հազար քառակուսի կիլոետր տարածի վրա, մինչդեռ Կաթողիկոսը Ամենայն Հայոց է, այսինքն՝ Գարեգին Բ-ի կրոնական իշխանությունը ոչ միայն Հայաստանի առաքելական ժողովրդի վրա է տարածվում, այլ բոլոր մայրցամաքների տասնյակ երկրների թեմերի և հայ ժողովրդի վրա:
Ենթադրենք, պարոն Փաշինյանին հաջողվում է իր մոլեռանդ կողմնակիցների և ուժային կառույցների օգնությամբ վեհարանից հեռացնել Գարեգին Բ Ամենայն Հայոց կաթողիկոսին:
Եթե սա ձեզ թվում է լուծում, ապա չարաչար սխալվում եք:
Ինչպե՞ս է ընտրվելու նոր կաթողիկոսը:
Պատկերացրեք մի իրավիճակ, երբ օրինակ Վիրահայոց թեմը չի ճանաչում ՀՀ իշխանությունների արկածախնդրությունը, իսկ օրինակ, Ամերիկայի Արևմտյան թեմը համակերպվում է նոր իրավիճակի հետ: Ուզում եմ շեշտել, որ թեմերի անունները զուտ որպես օրինակ եմ բերում:
Կաթողիկոսական նոր ընտրություններում Ռուսահայոց թեմը պատվիրակներ չի ուղարկում, իսկ, ասենք, Ամերիկայի Արևելյան թեմը ուղարկում է:
Ստեղծվելու է մի սարսափելի իրավիճակ, իսկ Փաշինյանի ընտրած կաթողիկոսը չի ունենալու լեգիտիմություն:
Բայց այստեղ ես տեսնում եմ ամենավտանգավորը: Կարող է՞ վերջնարդյունքում Հայոց եկեղեցու իշխանությունը պարփակվի Հայաստանի 29.8 հազար քառակուսի կիլոմետրի վրա:
Այսինքն, Մայր Աթոռի իշխանությունը պարփակվի Հայաստանի Հանրապետության տարածքում:
Այս իշխանոսւթյուններից ամեն ինչ սպասում եմ:
Սառը պատերազմի օրերին Հայոց եկեղեցին պառակտվեց: Այստեղ չեմ ուզում ծանրանալ 1958-ի վրա, որովհետև դա այլ ժամանակի թեմա է, բայց չափազանց վտանգներ եմ տեսնում վարչապետ Փաշինյանի քայլերի մեջ»։