«Հայաստանցիներ կկարողանա՞ն գնալ Շուշի»․ հարց՝ Նիկոլ Փաշինյանին

Այսօր, 13:48

«Խաղաղության պայմաններում բոլորը տարբեր տեղեր կարող են գնալ որպես զբոսաշրջիկ»,- լրագրողների հետ զրույցում ասաց Նիկոլ Փաշինյանը՝ պատասխանելով հարցին, թե արդյո՞ք կոմունիկացիաների բացման դեպքում հայաստանցիներ կարող են գնալ, օրինակ, Շուշի։

Փաշինյանն անդրադարձավ նաև փախստականների վերադարձին՝ նշելով․ «Ռազմավարական առումով 90-ականների սկզբից Հայաստանից ու Ադրբեջանից փախստական դարձած քաղաքացիների վերադարձի օրակարգը, այն տրամաբանությամբ, որ կիրառվում է Հայաստանում ու Ադրբեջանում, իր մեջ շատ լուրջ վտանգներ է պարունակում խաղաղության օրակարագի համար։

Այդ արծարծումը բերելու է նոր լարվածության՝ բխող բոլոր հետևանքներով»,- ասաց Փաշինյանը։