«Արճիսի այգիներում այս տարի բերք չկա»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նոյեմբերյան համայնքի Արճիս գյուղի վարչական ղեկավար Սոս Միկիչյանը հայտնեց, որ այս տարվա մայիսի 13-ից հետո, 10 օրվա ընթացքում 3 անգամ գյուղի այգիները, ցանքերը կարկտահարվեցին, ինչի հետևանքով սպասվող բերքն իսպառ ոչնչացավ։ Վարչական ղեկավարն ասաց, որ Լոռու մարզի հանքարդյունաբերական ձեռնարկությունների արտանետումներից աղտոտված Դեբեդի ջրով այգիները ոռոգելու դեպքում ծառերը չորանում են։ Գյուղացիները երբ տեսնում են Դեբեդի աղտոտված, սպիտակած վիճակը, հրաժարվում են գետի ջրերով ոռոգում կատարել։ Անցյալ տարվա մայիսի 27֊ի ջրհեղեղից, վարարած Դեբեդից խիստ վնասվեցին Արճիսի գետամերձ այգիները։ Դրանց սեփականատերերի մի մասին պետական աջակցություն եղել է։ Սպասվում է, որ առաջիկայում բնական աղետից տուժած մյուս սեփականատերերին էլ ֆինանսական օգնություն կցուցաբերվի»։