«Տպավորություն ունենք, որ ԱԱԾ նոր տնօրենը տեղեկացված չէ»․ Գեղամ Ստեփանյան

«Փորձե՞լ եք խոսել ԱԱԾ նորանշանակ տնօրենի հետ»,- դիմելով Արցախի ՄԻՊ Գեղամ Ստեփանյանին՝ հարցրեց լրագրողը։ Ստեփանյանն ասաց, որ ծնողների մի մասը հանդիպում ունեցել է, բայց տպավորություն է ստացել, որ ԱԱԾ նոր տնօրենը տեղեկացված չէ ու հստակ գործառույթներ չի իրականացնում․ «Այդ անորոշությունն է մեզ բերել այստեղ»,- նշեց նա։

Ավելի վաղ հայտնել էինք, որ Կառավարության շենքի մոտ ակցիա են իրականացնում 2023թ․ սեպտեմբերյան պատերազմի, պայթյունի հետևանքով անհետ կորածների և գերիների հարազատները։ «Որոշակի առումով ձևավորված էր խողովակ՝ պետական կառույցների հետ աշխատանքի հետ կապված։ Կա հանձնաժողով, որը ղեկավարում էր ԱԱԾ նախկին տնօրեն պարոն Աբազյանը։ Հարազատները տարբեր հանդիպումներ են ունեցել, ստացել հավաստիացումներ, որ աշխատանքներ տարվում են, բայց փաստն այն է, որ նրա պաշտոնաթողությամբ պայմանավորված, մինչև հիմա որևէ մեկս տեղեկացված չենք՝ ով է զբաղվում այդ հարցերով կամ որևէ մեկը զբաղվում է, թե ոչ»,- ասել էր Գեղամ Ստեփանյանը։