Զելենսկին դեռևս չի մեկնաբանել ԱՄՆ ու ՌԴ նախագահների հանդիպումը

Կիևը դեռևս որևէ հայտարարություն չի արել Թրամփ-Պուտին հանդիպման արդյունքների վերաբերյալ, հայտնում է BBC-ն։ Թրամփի՝ եռակողմ հանդիպման նախապատրաստման մասին հայտարարությունը ևս Կիևը դեռ չի հաստատել։
Ուկրաինան մեծ հույսեր չի կապում Անքորիջի բանակցությունների հետ՝ հիմնականում այն պատճառով, որ ուկրաինացիներն այնտեղ ներկայացված չէին, նշել է BBC-ի ռազմական թղթակից Ջոնաթան Բիլը՝ հիշեցնելով Զելենսկու խոսքերը, ըստ որի՝ չկան ապացույցներ, որ Պուտինը ցանկանում է վերջ դնել պատերազմին: