«Ադրբեջանի կառավարությունը երկու հայ միլիարդատիրոջ հետևից է ընկել». Ռոբերտ Ամստերդամ

Միջազգային փաստաբան, Սամվել Կարապետյանի փաստաբանական թիմի անդամ Ռոբերտ Ամստերդամն ասուլիսի ժամանակ հայտնել է, որ Ադրբեջանի կառավարությունը երկու հայ միլիարդատիրոջ հետևից է ընկել, մեկը՝ Ռուբեն Վարդանյանն է, մյուսը՝ Սամվել Կարապետյանը: «Բոլորը պետք է իրենց հարց տան՝ ինչո՞ւ է Կարապետյանը ՀՀ-ում նստած, բացարձակապես անմեղ մարդ: Կալանավորվել է, երբ գտնվում էր ՀՀ-ում՝ հոր քառասունքին մասնակցելու համար, այսինքն՝ քաղաքական ցույց չէր կամ ակցիա: Ելնելով իր խոսքերի համատեքստից՝ միանգամայն պարզ է, որ մտքով անգամ չէր անցել ակնարկել կառավարության տապալումը»,- նշել է նա: