«Փաշինյանը խաբել է, դժոխքը շարունակվում է». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Բեռլինում Նիկոլ Փաշինյանը հայտարարել է․ ««ՔՊ-ի ու մեր քաղաքական թիմի հետ 2018-ին ոչ բռնի, թավշա հեղափոխություն իրականացրինք ու կարողացանք անցնել այս ծանր ժամանակները, այսպես ասենք, դժոխքի մեջով անցանք ու հասանք այս կետին»։ Նիկոլ Փաշինյանը խաբել է, ինչպես միշտ։ 2018-ին թավշյա, ոչ բռնի հեղափոխություն չի եղել, Ալեն Սիմոնյանի խոսքով՝ իշխանությունն իրենց սկուտեղի վրա նվիրել են։ Դժոխքի մեջ ենք, սակայն չենք անցել, առջևում դժոխքի նոր «լեվելներ» են, այդ պատճառով էլ Նիկոլ Փաշինյանը չի ասել, թե ինչ կետի ենք հասել։ Հայաստանում սարսափ կինո է, ինչքան առաջ ենք գնում, այնքան ավելի սարսափելի է դառնում»: