«Գործում են մեխանիզմներ, որոնք ունակ են արձագանքելու կոռուպցիոն դեպքերին և հասնելու պատասխանատվության»․ Սրբուհի Գալյան

«Կոռուպցիայի դեմ պայքարում ունենք էական դրական առաջընթաց, այն տեսանկյունից, որ պետությունում գործում են մեխանիզմներ, որոնք ունակ են արձագանքելու կոռուպցիոն դեպքերին, գործում են մեխանիզմներ, որոնք ունակ են սահմանելու և հասնելու պատասխանատվությանը»,- այս մասին լրագրողների հետ զրույցում հայտարարեց արդարադատության նախարար Սրբուհի Գալյանը։

Անդրադառնալով հարցին, թե տարբեր պաշտոնյաներ իրենց պաշտոնավարման ընթացքում արդեն հասցրել են թանկարժեք առանձնատներ, բնակարաններ գնել, դա արդյո՞ք կոռուպցիա չէ՝ Գալյանը պատասխանեց. «Դուք բոլորի հայտարարագրերին հասանելիություն ունեք, կարող եք բացել, տեսնել յուրաքանչյուրի հայտարարագիրը, համեմատել ծախսերի հետ և հասկանալ՝ ձեռքբերումներն արդյոք հիմնավորվա՞ծ են եկամուտներով, թե՞ ոչ։ Եթե ունեք մտահոգություն ինչ-որ մեկի հայտարարագրի վերաբերյալ, ազատ եք դիմում ներկայացնելու Կոռուպցիայի կանխարգելման հանձնաժողով, և այն սիրով կզբաղվի հայտարարագրի վերլուծությամբ»։