«Բոլոր առումներով Հարավային Կովկասում վերջին տեղում ենք՝ անհույս ետնապահ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Դարձել ենք Հարավային Կովկասի ետնապահը․
Դրսի դավադիր ծրագրով, ներսի ազդեցիկ գործակալների միջոցով 2018-ին փողոցից պալատ բերված, բիրդան աղա դառածները անցած 7 տարում իրենց համար բազում տներ են առել, բիզնեսների տեր դարձել, հիմա իրենց այնքան վստահ ու բավարարված են զգում, կարծես թե իրենք չեն Արցախը կասկածելի պատերազմով հանձնել, հազարավոր ջահել տղաների զոհել, իրենք չեն Հայաստանում թմրամոլությունը, խաղամոլությունը զարգացրել, երկրում իրավական բեսապրիդել սարքել, իրենք չեն Հայաստանի պետական պարտքը կրկնապատկել, գույքահարկը, նոտարական ծառայությունների վճարները, Երևանում կարմիր գծերի վճարը, աղբահանության վճարը, հասարակական տրանսպորտի ուղեվարձը բարձրացրել։ Բոլոր առումներով Հարավային Կովկասում վերջին տեղում ենք, անհույս ետնապահ։ Այդ խոր փոսից դուրս գալու առայժմ շանս չկա, քանզի հատուկ դիտավորությամբ Հայաստանը սարքել են հիմարների երկիր, երբ բարձրագույն կրթություն չունեցող ՔՊ-ականը խորհրդարանում ամենակարևոր հանձնաժողովներից մեկն է ղեկավարում, Հայաստան պետությունը կառավարում են Ն․ Փաշինյանի խոսքերով՝ 7 տարի առաջին դասարանում մնացածները։ Վատ երգողին բեմին հեռացնում են, թիմի վատ մարզչին՝ վտարում, սակայն պետության խայտառակ կառավարիչները կպել-մնացել են իրենց աթոռներին»։