Ֆերմերները տրակտորներով փորձել են մտնել Բրյուսելի Եվրոպական թաղամաս

Տրակտորներով բողոքի ակցիա անցկացնող ֆերմերները փորձել են ճեղքել ոստիկանական արգելապատնեշները Բրյուսելի Եվրոպական թաղամաս տանող ճանապարհին, որտեղ տեղի է ունենում ԵՄ գագաթնաժողովը: Փորձը անհաջող է եղել. հաջողվել է միայն մի փոքր տեղաշարժել ոստիկանության կողմից տեղադրված փշալարե արգելապատնեշները, հաղորդում է ՏԱՍՍ-ը։

Ֆերմերները հազարավոր տրակտորներ են դուրս բերել Եվրոպական թաղամաս տանող փողոցներ՝ բողոքելով ԵՄ գյուղատնտեսական ծախսերի կրճատման և Լատինական Ամերիկայի հետ ազատ առևտրի համաձայնագրի դեմ։