«Եթե Ռուսաստանը գրավի Ուկրաինան, դա լուրջ հետևանքներ կունենա ՆԱՏՕ-ի համար». Մարկ Ռյութե

Եվրոպայի անվտանգությունն անմիջականորեն կախված է ՆԱՏՕ-ի պաշտպանական ծախսերի ավելացումից և Ուկրաինայի ռազմական ներուժի պահպանումից, հայտարարել է ՆԱՏՕ-ի գլխավոր քարտուղար Մարկ Ռյութեն գերմանական Bild հրատարակությանը տված հարցազրույցում։
Նա նշել է, որ ՆԱՏՕ-ի կայունությունը պահպանելու համար անհրաժեշտ է կատարել երկու հիմնական պայման՝ պաշտպանական ներդրումների և ռազմական արտադրության ավելացում, ինչպես նաև Ուկրաինային Ռուսաստանի դեմ պատերազմում համապարփակ աջակցության շարունակություն։ Ռյութեն նշել է, որ Ուկրաինայի ողջ տարածքի հնարավոր ռուսական բռնագրավումն ավելի լուրջ հետևանքներ կունենա դաշինքի համար և կպահանջի զգալիորեն ավելի մեծ ծախսեր։

«Մենք կապահովենք, որ հետագայում էլ Սուրբ Ծնունդը մնա անվտանգ։ Բայց դրա համար մենք պետք է ավելացնենք ռազմական ծախսերը և ապահովենք, որ Ուկրաինան մնա հնարավորինս ուժեղ։ Եթե Ռուսաստանը վերահսկողություն հաստատի ամբողջ Ուկրաինայի նկատմամբ, դա լուրջ հետևանքներ կունենա ՆԱՏՕ-ի համար, և մենք ստիպված կլինենք զգալիորեն ավելի շատ ծախսել»,- ասել է գլխավոր քարտուղարը։