Ուրբաթ, 30 հոկտեմբերի, 2026 թ.
|
Ստեփանակերտում`   +9 °C

Սիրիայի ափամերձ շրջաններում ալավիների ցույցերի ժամանակ բախումներ են տեղի ունեցել. կան զոհեր

Սիրիայի ափամերձ շրջաններում ալավիների ցույցերի ժամանակ բախումներ են տեղի ունեցել. կան զոհեր
1601
Կիրակի, 28 դեկտեմբերի, 2025 թ., 20:35

Սիրիայի ալավիական կրոնական փոքրամասնության ներկայացուցիչները կիրակի օրը բողոքի ցույցեր են անցկացրել Լաթաքիայի և Տարտուսի ափամերձ քաղաքներում, որտեղ բախումներ են տեղի ունեցել ցուցարարների և նրանց հակառակորդների միջև:

Ցույցերն սկսվել են անցյալ ուրբաթ Հոմս քաղաքում ալավիական մզկիթի մոտ պայթուցիկ սարքի պայթյունից հետո։ Ութ մարդ զոհվել է, 18-ը՝ վիրավորվել։ Իշխանությունները չեն նշել հարձակման կասկածյալներին։ Սիրիայից դուրս բնակվող ալավի շեյխ Ղազալ ալ-Ղազալին կոչ է արել մարդկանց դուրս գալ փողոց։

AP-ի տվյալներով՝ անվտանգության ուժերն ստիպված են եղել միջամտել և ալավիներին բաժանել հակառակորդներից՝ ամբոխը ցրելու համար՝ նախազգուշական կրակոցներ արձակելով օդ։ Ցուցարարների շրջանում կան զոհեր։ Սիրիայի իշխանությունները նաև հայտնել են, որ վիրավորվել է երկու անվտանգության աշխատակից։