«2026թ․ կարող է կրկնվել 2021թ․ ընտրությունների արդյունքները՝ որոշ անունների փոփոխությամբ»․ Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը․ «2025թ․ վերջին եռամսյակում բազմաթիվ ուժեր հայտարարեցին 2026թ․ Ազգային ժողովի ընտրություններին մասնակցելու մասին։ Մինչդեռ, հայկական քաղաքական դաշտում ոչ թե ընտրություններին մասնակցող ուժերն են պակասում, այլ՝ քաղաքական ինժեներիան։ Քաղաքական ինժեներիան ենթադրում է տեսլական և ռեսուրս ունեցող գործիչներ։ Իսկ մեզ մոտ տեսլական ունեցողներն առանց ռեսուրս են, իսկ ռեսուրս ունեցողները՝ առանց տեսլական։ Հետևաբար 2026թ․ կարող է կրկնվել 2021թ․ ընտրությունների արդյունքները՝ որոշ անունների փոփոխությամբ։ Այնինչ փոխադարձ ատելության ու նվազ արդյունավետության այս փակ շղթայից դուրս գալը գոյաբանական խնդիր է»։