«Սա խայտառակություն որակելը մեղմ կլինի»․ Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը. ««Վեոլիա ջուր» ընկերությունը տեղեկացնում է, որ մայիսի 1-ից մինչև սեպտեմբերի 16-ը գիշերային ժամերին ջրից կզրկվեն Հանրապետության գրեթե բոլոր շրջանների բնակիչները։
Երևանի բոլոր համայնքներում, մեծամասամբ, 24:00-ից 7։00-ը կդադարեցվի ջրամատակարարումը։ Հետաքրքիր է, թե ինչպե՞ս է որոշվել, որ մայրաքաղաքի այսինչ թաղամասում շուրջօրյա գրաֆիկը պետք է թողնել անփոփոխ, իսկ մյուսներում դարձնել 17-ժամյա։
Հատկանշական է նաև, որ ինչպես մայրաքաղաքի որոշ հասցեներում, այնպես էլ մարզերում ջրամատակարումը լինելու է օրական 6 ժամով՝ առավոտյան 3 ժամ և երեկոյան 3 ժամ։ Այդպիսի անհասկանալի գրաֆիկ է սահմանված Շենգավիթ վարչական շրջանի Նոր Խարբերդի այգեգործական թաղամասում, Աշտարակում, Իջևանի մի շարք փողոցներում։ Իսկ Տավուշի մարզի Ազատամուտ գյուղում ջուր կունենան օրական 4 ժամ՝ 17։00-21։00-ն։
Հանրապետության մի շարք համայնքներում ջրամատակարարումը կլինի 6-10 ժամյա գրաֆիկով։
Սա խայտառակություն որակելը մեղմ կլինի։ Առանց որևէ հիմնավոր բացատրության ջրամատակարարման գրաֆիկի նման փոփոխությունը առաջացրել է մեր հայրենակիցների զայրույթը։ Առանց այդ էլ ջրանջատումները վերջին տարիներին հաճախակի են դարձել։
Ստացվում է, որ երևանցիները կզրկվեն գիշերային ժամերին ջրից օգտվելու հնարավորությունից, իսկ մարզաբնակ մեր հայրենակիցները ջուր կունենան օրական ընդամենը մի քանի ժամ։ Ջրամատակարարման կրճատումից ահռելի վնասներ կկրեն նաև մեր տնտեսվարողները։
Սա հետևանքն է ջրային ռեսուրսների ոչ արդյունավետ կառավարման, ենթակառուցվածքների անմխիթար վիճակի և ընդհանրապես, քաղաքային պլանավորման ձախողման»։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
25519.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
24019.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
148716.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
122615.11.2026, 19:19
Խաղողագործներին փող չեն տալիս․ «Հրապարակ»
73414.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
162713.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
74212.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
197410.11.2026, 19:37