«Առաջիկա ընտրական տրամաբանության մեջ սա գրագետ թիրախավորում է»․ Արշալույս Մղդեսյան

Լրագրող Արշալույս Մղդեսյանի ֆեյսբուքյան գրառումը․ «Հայաստանում կա շուրջ 500.000 կենսաթոշակառու, իսկ քվեարկելու իրավունք ունեցող քաղաքացիների ընդհանուր թիվը 2.489.031 է։
Ըստ տարբեր հարցումների՝ այսօր Հայաստանի բնակչության քաղաքականապես ամենաակտիվ և մոտիվացված հատվածը տարիքով մարդիկ են, իսկ ամենաքիչ մոտիվացվածն ու ապատիայի մեջ գտնվողը՝ երիտասարդները:
Մեր դեմոգրաֆիական պատկերն էլ այնպիսին է, որ տարեցների թիվը գնալով աճելու է՝ իր հետ բերելով սոցիալական բլոկի խնդիրների էլ ավելի կարևորում, ինչու չէ՝ նաև շահարկում: Ուստի առաջիկա ընտրական տրամաբանության մեջ սա գրագետ թիրախավորում է, քանի որ հատկապես այս մարդիկ են մասնակցելու վաղվա իշխանության ձևավորմանը։
Ըստ այդմ պատահական չէ, որ առողջապահական համընդհանուր ապահովագրությունը հատկապես ներկայացվում/գովազդվում է թոշակառուների առողջապահական խնդիրները լուծելու համատեքստում, կենսաթոշակներ են բարձրացվում կամ դեղերի գների 20% իջեցում են խոստանում:
Ասվածը չի նշանակում, որ այդ խնդիրների լուծումը կարևոր չէ: Շատ կարևոր է: Հարցն այն է՝ որքանո՞վ են այս լուծումները համակարգային, երկրաժամկետ և որքանո՞վ՝ զուտ նախընտրական տրամաբանությամբ թելադրված»։