Իսրայելական զորքերը մտել են Դարաա

Սիրիական պետական ​​SANA լրատվական գործակալության փոխանցմամբ՝ Իսրայելական ռազմական ստորաբաժանումները մտել են Սիրիայի արևմտյան Դարաա նահանգի տարածք։
Գործակալության տվյալներով՝ հունվարի 2-ի երեկոյան իսրայելական բանակի ստորաբաժանումը շարժվել է դեպի լքված Սարիյաթ Ջամլա ռազմական բազան, որը գտնվում է արևմտյան Դարաա նահանգի Յարմուկ գետի ավազանում։ Չորս ռազմական մեքենաներից և մոտ 20 զինվորներից բաղկացած շարասյունը դիրքավորվել է բազայի մոտ և կարճ ժամանակ անց լքել տարածքը։

Հաղորդվում է, որ նախորդ օրը իսրայելական ուժերը նաև հարձակում են իրականացրել Քունեյթրա նահանգի գյուղական տարածքում՝ առաջ շարժվելով ալ-Ադնանիա շրջանից դեպի մի քանի գյուղեր, նախքան նահանջելը։

Դամասկոսը հայտարարել է, որ նման գործողությունները խախտում են 1974 թվականի ուժերի տարանջատման համաձայնագիրը և պահանջել է իսրայելական զորքերի դուրսբերումը Սիրիայի տարածքից։