«Մեր Սուրբ եկեղեցին շարունակում է ենթարկվել բռնաճնշումների». Գարեգին Երկրորդ

«Այսօր մեր կյանքում տկարանում են միմյանց հանդեպ հավատն ու վստահությունը, որպես քաջություն է ընկալվում անհարգալից ու անզուսպ պահվածքը: Խոսքի ազատությունը հակադարձվում է այլակարծության անհանդուրժողությամբ, բանավեճը վերածվում վիրավորանքների, իսկ հանրային օգուտը, հայրենանպաստ ծառայությունը ստորադասվում անձնական ու խմբակային նեղ շահերին»,- իր խոսքում ասել Ամենայն հայոց կաթողիկոս Գարեգին Երկրորդը: «Մեր Սուրբ եկեղեցին շարունակում է ենթարկվել բռնաճնշումների, այս իրավիճակը լուրջ հարված է մեր ազգի ու պետության հեղինակությանը և խորը վերք՝ հասցված համայնքներին ու հավատացյալներին»,- ասել է նա՝ ընդգծելով, որ Սուրբ եկեղեցին իր բարեպաշտ ժողովրդով ամուր է ու անսասան: