«ԱՄՆ-ն ունի առավելագույն ազդեցության լծակներ Վենեսուելայի ժամանակավոր իշխանությունների նկատմամբ». Սպիտակ տուն

ԱՄՆ-i վարչակազմը սերտ կապի մեջ է Վենեսուելայի ժամանակավոր իշխանությունների հետ և ունի առավելագույն ազդեցության լծակներ նրանց նկատմամբ, հունվարի 7-ին հայտարարել է Սպիտակ տան մամուլի քարտուղար Քերոլայն Լիվիտը։

«Ակնհայտ է, որ այս պահին մենք ունենք առավելագույն ազդեցության լծակներ Վենեսուելայի ժամանակավոր իշխանությունների նկատմամբ: Նախագահը լիովին իրականացնում է իր արտաքին քաղաքականության օրակարգը՝ ուժի միջոցով խաղաղություն, ուստի մենք շարունակում ենք սերտորեն համակարգել մեր գործողությունները ժամանակավոր իշխանությունների հետ, և նրանց որոշումները կշարունակեն ուղղորդվել Ամերիկայի Միացյալ Նահանգների կողմից», - ասել է Լիվիտը ճեպազրույցի ժամանակ։

Լիվիտը նաև նշել է, որ Կարակասի վերաբերյալ ԱՄՆ-ի հետագա գործողությունները մեծապես կախված կլինեն Վենեսուելայի ժամանակավոր իշխանությունների որոշումներից։