Ուկրաինայում ռազմական դրությունն ու զորահավաքը կրկին կերկարաձգեն

Ուկրաինայի նախագահ Վլադիմիր Զելենսկին Գերագույն ռադա է ներկայացրել օրինագծեր, որոնք նախատեսում են ռազմական դրության և համընդհանուր զորահավաքի ժամկետի երկարաձգում ևս 90 օրով:

Այս մասին հայտնում է РБК-Украина-ն:

Փաստաթղթերի համաձայն՝ առաջարկվում է ռազմական դրության և զորահավաքի ժամկետը Ուկրաինայում երկարաձգել 2026 թվականի փետրվարի 3-ի ժամը 05:30-ից 90 օրով, այսինքն՝ մինչև 2026 թվականի մայիսի 3-ը ներառյալ։ Հաստատվելու դեպքում կշարունակվեն Ուկրաինայում գործող անվտանգության միջոցառումներն ու զորահավաքային գործընթացները։