«Կրթված լինելով՝ աղքատ չես լինի․ այս թեզը հենց կրթական համակարգում է ջարդվում»․ Արթուր Սաքունց

Իրավապաշտպան Արթուր Սաքունցի ֆեյսբուքյան գրառումը․ «Գրագիտության և աղքատության մակարդակի միջև կապն ակնհայտ է։
Անվիճելի է կրթված լինելու և աղքատ չլինելու հարաբերակցությունը։
Բայց հենց կրթական համակարգում է այս թեզը ջարդվում։
Դպրոցում կրթություն, գիտելիք, մտածողության ձևավորում ստացող աշակերտը տեսնում է, որ իրեն կրթող, գիտելիք տվող, մտածելու կարողությունը ձևավորող ուսուցիչը որպես կիրթ մարդ պետության կողմից չի վարձատրվում նվազագույն այնպիսի աշխատավարձով, որը կապահովեր արժանապատիվ կենսամակարդակով ոչ միայն իրեն, այլև իր ընտանիքին։
Դե այսքանից հետո ինչքան ուզում ես պնդի, թե կիրթ լինելով աղքատ չես լինի, բայց իրենց աչքով են չէ տեսնում, որ իրականում այդպես չէ․ կրթություն ստացած ու կրթող մասնագետը, մարդը՝ ուսուցիչը նվազագույն արժանապատիվ կենսամակարդակ ապահովող աշխատավարձ չի ստանում։
Պետությունը մի ձեռքով մի թեզ է պնդում, մյուս ձեռքով այդ թեզն ապացուցող մոտեցում ցույց չի տալիս։
Այս հակասության վերացումը ատեստացիայով չի լուծվել ու չի կարող լուծվել»: