«Անհասկանալի է ընդդիմադիրների կողմից Սոլովյովի ասածներին անդրադառնալու իմաստը»․ Հայկ Այվազյան

«Լույս» տեղեկատվական-վերլուծական կենտրոնի տնօրեն Հայկ Այվազյանի ֆեյսբուքյան գրառումը․ «Վլադիմիր Սոլովյովի ասածների հետ կապված խոսակցությունները ցույց տվեցին Հայաստանի անվտանգության և ինքնիշխանության իրական խնդիրների վերաբերյալ բովանդակային քննարկումների բացակայությունը։
Սոլովյովի ասածներն իշխանություններն օգտագործեցին ամրապնդելու համար այն հորինված թեզը, որ Հայաստանի ինքնիշխանությանը սպառնացող վտանգ կա Ռուսաստանից։
Այնինչ, ի տարբերություն Արևմուտքի, Ռուսաստանը ներքին գործերին միջամտելու պրակտիկա չունի, Ռուսաստանի ղեկավարությունն էլ դրանով չի զբաղվում։
Այդ դեպքում անհասկանալի է ընդդիմադիր դաշտի ներկայացուցիչների կողմից մասնավոր անձ հանդիսացող Սոլովյովի ասածներին անդրադառնալու իմաստը։ Այն միայն օգնեց ավելի ուռճացնել և հանրային կարծիքում ամրապնդել գոյություն չունեցող ռուսական միջամտության մասին թեզը։
Օբյեկտիվ երևալու (տեսեք, որ Արևմուտքին էլ ենք պատասխանում, Ռուսաստանին էլ), այլ ոչ թե օբյեկտիվ լինելու պրակտիկան միայն օգնում է իշխանություններին իրենց կեղծ թեզերն ամրապնդելու, իսկ Արևմուտքին՝ Ռուսաստանի դեմ պատերազմում Հայաստանը զոհաբերելու գործն ավելի արագ իրագործելու համար»։