«Եթե պատուհասը Ռուսաստանի սրտով չլիներ, Սոլովյո՞վը պետք է նման խոսույթով ձեր քնքուշ լարերին կպչեր». Սյուզաննա Սիմոնյան

ՀԽ նախկին մամլո քարտուղար Սյուզաննա Սիմոնյանի ֆեյսբուքյան գրառումը. «Ժողովուրդ ջան, հերիք է Սոլովյով-ստահակ հայհոյեք։ Նմանատիպ հայտարարություններով են սարսափահար անում ժողովուրդներին, նրանք իրենց համար ցանկալի հունով տանում ու իրենց համար ցանկալի անձին զոհ հարձնում ու հերոսացնում նախընտրական շրջանում, որ հավեսով գնաք ու միահամուռ, ծափ տալով նրան ընտրեք։ Այլապես այսքան ժամանակ ի՞նչ հիմնավոր քայլերի է գնացել պատուհասը Ռուսաստանի դեմ, որ նա այդպես արտահայտվեր։ Տնտեսությա՞ն մեջ, թե՞ քաղաքականության։ Մի խաբվեք։ Ոչ մի հակառուսական քաղաքականություն տեղի չի ունեցել։ Թվարկե՞մ, թե՞ անգիր գիտեք բոլորդ։ Գիտեք հիբրիդային պատերազմ կա, բայց չեք ջոկո՞ւմ, որ դա էլ հիբրիդային պատերազմի էլեմենտ է։
Եթե պատուհասը Ռուսաստանի սրտով չլիներ, Սոլովյովը՞ պետք է նման խոսույթով ձեր քնքուշ լարերին կպչեր։ Ամեն ասած նպատակ է հետապնդում, հատկապես նախընտրական շրջանում, երբ նրանք շատ լավ գիտեն, թե որքան հիասթափված է հայը Ռուսաստանից։ Իսկ նիկոլը դեռ իրենց պետք է»։