«Գիտեմ՝ որտեղ է ժամանակին գրվել այս մեղադրանքը»․ Ռոբերտ Քոչարյան

Հակակոռուպցիոն դատարանում ընթանում է ՀՀ երկրորդ նախագահ Ռոբերտ Քոչարյանի և մյուսների գործով դատական նիստը՝ դատավոր Սարգիս Պետրոսյանի նախագահությամբ:

«Ինձ ներկայացված է մի մեղադրանք, որի մեջ իմ վրա կապեցին լիազորություններ, որոնք ես չունեի կամ գործողություններ, որոնք ընդհանրապես չեմ արել, կան փաստեր, որոնք իրականության հետ կապ չունեն։ Ես գիտեմ՝ որտեղ է ժամանակին գրվել էս մեղադրանքը, հասկանում եմ, որ ներկա դատախազը չէ հեղինակը, բայց ինքը ստորագրելով, այսպես ասենք՝ որդեգրել է մի շարք աբսուրդային կետեր, որոնք այստեղ կան։ Առերևույթ Սահմանադրությանը հակասող բաներ են գրված, կան ուղղակի անհեթեթ ձևակերպումներ, գոնե ձևակերպումները փոխեին կամ հանեին, և եթե մի անգամ աբսուրդ բան է գրվել, ուրեմն էդ աբսուրդը պիտի բոլոր դատական նիստերում գնա՞։ Իսկ եթե դատարանը պատրաստ է որդեգրել այս ակտերը՝ ի՞նչ ասեմ»,- իր խոսքում ասել է Ռեբերտ Քոչարյանը։