«Առաջարկում եմ՝ միանգամից Նիկոլ Փաշինյանին պառլամենտով շնորհել ՀՀ կաթողիկոսի կոչում ու պրծնել զայս դարդեն». Նարեկ Գալստյան

Լրագրող, քաղաքագետ Նարեկ Գալստյանի ֆեյսբուքյան գրառումը. «Աբսուրդի թատրոնը շարունակվում է: Փաստացի, եթե քպ-ական Հայաստանում դատարանները թքած ունեն, որ ըստ Սահմանադրության պետությունն ու եկեղեցին անջատ են ու իրենք են (շեֆի պասով) որոշում, թե ով է լինելու թեմի առաջնորդ, ապա նաև կարող են որոշել, թե որ քահանայի ձեռնադրությունն է իրավական, որինը՝ ոչ, ում կնունքն է օրինական, որինը՝ ոչ, ում մեղքերն են ներված, ումը՝ ոչ, ում մեռելին արված աղոթքն է անցնում, ումը՝ ոչ, ում եկեղեցական պսակն է հաստատուն, ումը՝ խարխուլ, ում պահած պահքն է ճիշտ, ումը՝ հակաօրինական, ում ժամերգությունն է իրական, ումը՝ կեղծ ու այսպես շարունակ:
Իսկ ընդհանրապես, եթե ամեն ինչ արդեն հասել է լկտիության այս մակարդակին, առաջարկում եմ միանգամից Նիկոլ Փաշինյանին պառլամենտով շնորհել Հայաստանի կաթողիկոսի (իրական Հայաստանում «Ամենայն Հայոց»-ը ռևանշիստական երանգներ ունի), Հայաստանի Կաթողիկե եկեղեցու պատրիարքի, Հայաստանի Ավետարանչական եկեղեցու պատվելիի և ալամ-աշխարհի հայերի «Կյանքի խոսքի» հոգևոր հովվի կոչումներ ու պրծնել զայս դարդեն»: