«Կաթողիկոսի որոշման «բեկանումը» բացահայտ քաղաքական միջամտություն է Եկեղեցու ներքին կյանքին»․ Տաթև Զորյան

ՀԱԿ վարչության անդամ Տաթև Զորյանը ֆեյսբուքյան էջում գրել է․ «Աշխարհիկ դատարանի կողմից Ամենայն Հայոց Կաթողիկոսի՝ թեմի առաջնորդին պաշտոնանկ անելու որոշման «բեկանումը» բացահայտ քաղաքական միջամտություն է Եկեղեցու ներքին կյանքին։

Սա ոչ թե իրավական գործընթաց է, այլ իշխանության հերթական փորձը՝ ենթարկեցնելու Հայ Առաքելական Եկեղեցին և կասկածի տակ դնելու նրա ինքնավարությունն ու ազգային դերակատարությունը։
Երբ աշխարհիկ դատարանն իրեն իրավունք է վերապահում վերանայել Կաթողիկոսի որոշումը, դա նշանակում է, որ պետությունը խախտում է Եկեղեցի-Պետություն տարանջատման սահմանը և փորձում է եկեղեցական հիերարխիան դարձնել քաղաքական վերահսկողության օբյեկտ։
Սա վտանգավոր նախադեպ է, որը հարված է ոչ միայն Եկեղեցուն, այլ նաև ազգային ինստիտուտների անկախությանն ընդհանրապես»։