Շաբաթ, 07 մարտի, 2026 թ.
|
Ստեփանակերտում`   +4 °C

«ՊՆ-ի տրամադրած գումարով սպայակազմի զինծառայողները կարող են բնակարան ձեռք բերել ոչ միայն Երևանում, այլ նաև մարզերում»․ Հրաչյա Սարգսյան

«ՊՆ-ի տրամադրած գումարով սպայակազմի զինծառայողները կարող են բնակարան ձեռք բերել ոչ միայն Երևանում, այլ նաև մարզերում»․ Հրաչյա Սարգսյան
290
Հինգշաբթի, 05 փետրվարի, 2026 թ., 13:06

«Սպայական կազմի զինծառայողներն ամբողջությամբ պետբյուջեի միջոցների հաշվին ֆինանսավորման հիման վրա սեփականության իրավունքով հնարավորություն կունենան ձեռք բերելու բնակարան, բնակելի տուն: Վարկը, կանխավճարը, մայր գումարը և տոկոսները ամբողջությամբ մարվելու են պետական բյուջեի միջոցների հաշվին, ՊՆ-ի կողմից»,- այս մասին Կառավարության այսօրվա նիստում նշեց պաշտպանության նախարարի տեղակալ Հրաչյա Սարգսյանը՝ ներկայացնելով «Ռազմաուսումնական հաստատություն ավարտած և ՀՀ ՊՆ համակարգում կամ ՀՀ ԱԱԾ սահմանապահ զորքերում սպայական պաշտոնի նշանակված սպայական կազմի զինծառայողների կողմից պետական աջակցությամբ բնակարան կամ տուն գնելու իրավունքի ձեռքբերման նպատակով հիփոթեքային վարկավորման նպատակային ծրագիրը և հիփոթեքային վարկավորման պայմանները սահմանելու մասին» որոշման նախագիծը:

«Մենք տրամադրելու ենք հավաստագրեր, որի միջոցով հնարավորություն կունենան ընտրելու իրենց բնակարանը կամ բնակելի տունն առաջնային կամ երկրորդային շուկայից: Սեփականության իրավունքով է տրամադրվելու, բայց պայմանով, որ նվազագույնը 20 տարի պետք է ծառայություն անցնեն վերոնշյալ մարմիններում:

Հավաստագրով զինծառայողին հասանելի գումարը, որով կարող է բնակարան ձեռք բերել, որոշվելու է Երևանում 80 քմ տարածքով ձեռք բերվող անշարժ գույքի արժեքով, որն այս պահին կազմում է 35 մլն դրամի չափ, և հնարավորություն կունենան գույքը ձեռք բերել ոչ միայն Երևանում, այլ նաև մարզերում»,- նշեց փոխնախարարը՝ հավելելով, որ բնակարանի տրամադրման ծրագիրը գործում էր, պարզապես կարգն է փոխվել:

Կարդացե՛ք նաև