ԱԺ հանձնաժողովը բացասական եզրակացություն տվեց քաղբանտարկյալների մասին ընդդիմության հայտարարության նախագծին

Ազգային ժողովի պետական-իրավական հարցերի մշտական հանձնաժողովի նիստում խորհրդարանական ընդդիմության պատրաստած «Հայաստանի Հանրապետությունում քաղբանտարկյալների և նրանց խախտված իրավունքների վերականգնման մասին» ԱԺ հայտարարության նախագծի քննարկման ժամանակ ԱԺ պետաիրավական հանձնաժողովի նախագահ, «Քաղաքացիական պայմանագիր» խմբակցության պատգամավոր Վլադիմիր Վարդանյանը նշեց․ «Իմ խորին համոզմամբ՝ պետության համար վիրավորական է, երբ որ ասում են՝ ունենք քաղբանտարկյալներ․․․ Ես համարում եմ, որ պետք է խմբակցությանը հնարավորություն տալ նստաշրջանի ընթացքում անցկացնել լսումներ, որպեսզի մենք էլ արհեստականորեն չծանրաբեռնենք ԱԺ օրակարգը՝ հաշվի առնելով այն, որ հայտարարության շատ ձևակերպումներ ոչ միշտ են ստանում մեծամասնության դրական քվեն։ Ես չեմ փոխել իմ դիրքորոշումը, մտածում եմ, որ այս նախագիծը զուրկ է որոշակիությունից»։

Հանձնաժողովը բացասական եզրակացություն տվեց նախագծին։