Հինգշաբթի, 05 մարտի, 2026 թ.
|
Ստեփանակերտում`   0 °C

«Անվավեր է ճանաչվել ԵՊՀ ռեկտորի՝ ինձ աշխատանքից ազատելու մասին հրամանը»․ Սահակ Մանուկյան

«Անվավեր է ճանաչվել ԵՊՀ ռեկտորի՝ ինձ աշխատանքից ազատելու մասին հրամանը»․ Սահակ Մանուկյան
129
Երեկ, 23:42

ԵՊՀ դասախոս, իրավաբան Սահակ Մանուկյանը ֆեյսբուքյան էջում գրել է․ «ԻՐԱՎՈՒՆՔԸ ՎԵՐ Է ԿԱՄԱՅԱԿԱՆՈՒԹՅՈՒՆԻՑ
Դատարանի 2026 թվականի մարտի 4-ի վճռով իմ կողմից ներկայացված հայցը բավարարվել է ամբողջությամբ, ինչը նշանակում է՝ անվավեր է ճանաչվել ԵՊՀ ռեկտորի՝ աշխատանքից ազատելու մասին հրամանը, և ես վերականգնվել եմ ԵՊՀ միջազգային հարաբերությունների ֆակուլտետի հանրային կառավարման ամբիոնի դոցենտի պաշտոնում։
Հ.Գ. Շնորհակալություն դատավոր Հ. Ղազարյանին»։

Հիշեցնենք, որ ԱԺ «Քաղաքացիական պայմանագիր» խմբակցության պատգամավոր Արուսյակ Մանավազյանի դուստրը ԵՊՀ–ում դասի ժամանակ գաղտնի տեսանկարահանել էր Սահակ Մանուկյանի դասախոսության մի հատված, որտեղ վերջինս ուսանողներին հստակ օրինակով բացատրելիս է եղել վիրավորանք և զրպարտությունն տերմինների տարբերությունը։ Մանավազյանի դուստրը տեսանյութն ուղարկել էր պատգամավոր մորը, ինչից հետո դասախոսին ազատել են աշխատանքից՝ «ակադեմիական միջավայրում ոչ հարիր բառապաշար օգտագործելու համար»։

Աղբյուրը`   Սահակ Մանուկյան