«Խորհրդարանական ընտրությունների արդյունքում լինելու է «Հեղափոխություն 3»»․ Նիկոլ Փաշինյան

339

Շաբաթ, 07 մարտի, 2026 թ., 21:00

Վարչապետ Նիկոլ Փաշինյանը ֆեյսբուքյան էջում տեսանյութ է հրապարակել՝ կից գրառմամբ․ «Գյումրիում ելույթ եմ ունենում ներկուսակցական քարոզարշավի հավաքում»։

«Առաջիկա խորհրդարանական ընտրությունների արդյունքում լինելու է «Հեղափոխություն 3»։ Մենք 2018 թվականին ընտրություններով արել ենք ներքաղաքական հեղափոխություն, 2021 թվականի ընտրություններում ժողովուրդը մեզ առաջնորդել է դեպի սոցիալ-հոգեբանական և մտածողության հեղափոխություն, 2026 թվականի հունիսի 7-ի ընտրություններում մենք հասնելու ենք պատմաքաղաքական հեղափոխության, որը մեզ՝ Հայաստանի ժողովրդին յոլա գնալու, գոյատևման քաղաքականության ցիկլից դուրս է բերելու, և դուրս է բերելու զարգացման հարատև պետության օրակարգի ռելսերի վրա դնելու։

Բայց նաեւ Գյումրիում լինելու է «Գյումրի 1», մենք մոռանում ենք, որ Գյումրիում հեղափոխություն տեղի չի ունեցել, Գյումրին հեղափոխական իշխանություն չի ունեցել և 2026 թվականի խորհրդարանական ընտրություններից շատ չանցած Գյումրիում լինելու է «Գյումրի 1»,- իր ելույթում ընդգծում է Փաշինյանը։

Աղբյուրը` Նիկոլ Փաշինյան