«ՀՀ-ն մտադիր է բարեխղճորեն մասնակցել ԵԱՏՄ աշխատանքներին»․ Մհեր Գրիգորյան

Հայաստանը մտադիր է հետագայում ևս բարեխղճորեն աշխատել ԵԱՏՄ շրջանակում։ Այս մասին Եվրասիական տնտեսական բարձրագույն խորհրդի նիստում հայտարարել է ՀՀ փոխվարչապետ Մհեր Գրիգորյանը։ «Մենք բազմիցս վերահաստատել ենք Հայաստանի հանձնառությունը ԵԱՏՄ շրջանակում փոխշահավետ համագործակցության՝ ի շահ մեր երկրների և ամբողջ տարածաշրջանի տնտեսական կայունության ու տնտեսական զարգացման ապահովման։ Հայաստանի Հանրապետությունը մտադիր է հետագայում ևս բարեխղճորեն մասնակցել միության աշխատանքներին՝ փոխադարձ հարգանքի, հավասար գործընկերության և ԵԱՏՄ անդամ բոլոր պետությունների ազգային շահերի հիման վրա»։