«Ընտրություններից առաջ Նիկոլ Փաշինյանը խոստանալու է երկնքից աստղեր իջեցնել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ընտրություններից առաջ Նիկոլ Փաշինյանը խոստանալու է երկնքից աստղեր իջեցնել։
Նիկոլ Փաշինյանի գլխավորությամբ քննարկվել են ջրի և հողի կառավարման ոլորտում ինստիտուցիոնալ վերափոխումների և Ջրային կոմիտեի վերակազմավորման հեռանկարները:
Փաշինյանը հայտարարել է․ «Մեր հաջորդ ռազմավարական խնդիրը ջրի ոլորտում հետևյալն է, որ հանրապետության բոլոր բնակավայրերում պետք է լինի շուրջօրյա խմելու ջուր։ Այսինքն՝ առանց բացառության բոլոր բնակավայրերում պետք է լինի շուրջօրյա խմելու ջուր։ Մենք մեր երկարաժամկետ ծրագրերը պետք է կառուցենք այս տրամաբանությամբ»։ Հայաստանում գյուղեր կան, որ շաբաթական 1-2 անգամ են խմելու ջուր ստանում, այն էլ՝ մի քանի ժամ տևողությամբ։ Որպեսզի հանրապետության բոլոր բնակավայրերում լինի շուրջօրյա խմելու ջուր, հարկավոր է ներդրել հարյուրավոր միլիարդ դոլար փող, երբ Հայաստանի պետական պարտքը 15,5 միլիարդ դոլար է։ Ջրի արդյունավետ կառավարման խնդրով «մտահոգ» ՔՊ-ական իշխանությունը անցած 8 տարում միայն մի փոքր ջրամբար է սարքել, մեր գետերի քաղցրահամ ջրերը շարունակում են հոսել Ադրբեջան։ Հանրապետության բոլոր բնակավայրերում շուրջօրյա ջրամատակարակարման մասին հայտարարած Նիկոլ Փաշինյանը ԱԺ ընտրություններից առաջ ընտրողներին խոստանալու է երկնքից աստղեր իջեցնել»։