ԱՄՆ վարչակազմը հրաժարվել է դադարեցնել կրակն Իրանի դեմ և սկսել բանակցություններ

ԱՄՆ վարչակազմը մերժել է Պարսից ծոցի երկրների ջանքերը՝ Մերձավոր Արևելքում ռազմական գործողությունները դադարեցնելու և բանակցություններ սկսելու համար, հաղորդում է Reuters-ը՝ հղում անելով աղբյուրներին։

Երկու իրանցի պաշտոնյաների խոսքով՝ Թեհրանը բացառել է հրադադարի հնարավորությունը, մինչև հակառակորդները չդադարեցնեն իրենց հարվածները։ Մի քանի երկրներ փորձել են որպես միջնորդ հանդես գալ երկու կողմերի միջև։

Գործակալությունը եզրակացնում է, որ Վաշինգթոնը և Իրանը պատրաստվում են երկարատև հակամարտության՝ չնայած քաղաքացիական բնակչության և նավթի գների համար դրա հետևանքներին։